நியாயங்கள்

கூர்முனை குண்டூசியொத்த
சிறுத்தப் புள்ளியின் மேல்
இடுக்கிடுக்காய் சுழித்து,
நெருக்கி அடுக்கப்பட்ட
அரிதில் நியாயங்கள்!

நியாயம் வரைவின்
பின்னொழுகுதல் காலத்தில்
எமைச் சூழ்ந்திருக்கும் வாயுவிலும்
சல்லடைக் கண்கள்!
நிரப்பிகள் எத்துனை அளவிலோ,
அத்தனையும் மிக எளிதாய்
அதனின் அப்பக்கம் நுழைந்து விடும்!

வேறோர் சூழலின் தாங்கியில்
இன்னோர் கைப்பிடியும் அவிழும்பொழுதில்
மிகச்சரியாய் மேல் அமர்ந்து
கைக்கொத்திப் பிடி தளர்த்தும்
இக் "காக்கை" நியாயம்.

வளை வளையாய் சென்ற பின்
கோடாகும் முயற்சிக்கு,
இழுவிசை நுணுக்கங்களின் தேவைகள்,
கச்சித நிச்சயங்கள்!
அனால் அவைகள் நியாயங்களின் நீர்ப்பையில் -
முழுதும் கரைந்தே வெளியேறிவிடும்!

நியாயங்கள் - அது மூக்குச் சிவந்தவனின்
கடும் மலைச் சிகரம்.
இடறுதல் அச்சிவந்த மூக்களிக்கும்.
ஏறுதல் அவனுக்குச் சிரமம்.